பொய்... மற்றும்... பொய் மட்டுமே: 2011

ஞாயிறு, 3 ஜூலை, 2011

ஸ்டிக்கர் பொட்டு

ஸ்டிக்கர் பொட்டு

இது என்ன பிறை நிலாவில்

ஒளி நட்சத்திரம்?

ஆச்சரியக் (!) குறியானது -

காதலியின்

பிறை நிலா போன்ற

நெற்றியில் வைத்த

ஸ்டிக்கர் பொட்டு.

சனி, 2 ஜூலை, 2011

ஆட்டு மந்தைகள்

ஆட்டு மந்தைகள்

ஆட்டு மந்தையை மேய்க்க

அறிவார்ந்த அறிஞர்

தேவையில்லை,

அற்பமான நாயே போதும்.

தந்தை நாய் இறந்து விட்டால்,

அதன் குட்டிநாய்,

அதுவும் போனால்

வேறொரு பேரன் நாய்.

இப்படி ஏதோ ஓர் வாரிசு நாய்

காலந்தோறும் மந்தையை

மே(ஏ)ய்க்கும் -

சிந்திக்க மனமின்றி

மந்தையாய் வாழும் ஆடுகளாய்

இந்தியர் வாழும் வரை.

வியாழன், 23 ஜூன், 2011

புரட்சி...?

புரட்சி...?

வெள்ளமென வெறிகொள்

தமிழர் கூட்டம்

குழுமியது ஓரிடத்தில்

குறிக்கோளுடன்

........ டாஸ்மாக் பார்

வெள்ளி, 17 ஜூன், 2011

இளமைக் குழப்பம்

நரைத்த முடித் தலையர்களைப் பார்த்து

நாளாகிப்போய் விட்டது,

முதியவர்களே இல்லாமல் போய்விட்ட

இளமை இந்தியா,

கலராகிப் போனது

கருப்பு வெள்ளை இன்று,

அழகான வெள்ளையோ

தொழில்நுட்பத்தினால்

அருவருப்பான சிவப்பானது,

உபயம் - ஹேர் டை தயாரிப்பாளர்கள்.

(படத்தில் இருப்பவரின் தலையைப் பாருங்கள் ஹேர் டை)

வியாழன், 10 மார்ச், 2011

ஊர் ஞாபகம்

ஊர் ஞாபகம்

அப்பாவிடம் கோபித்துக்கொண்டு சாலையோர
    சிறு மரத்தினடியில் நின்று அடம்பிடிக்கும் யாரோ ஒரு சிறுவன்

சூட் அணிந்த அம்மாவின் கையைப் பிடித்துக்கொண்டு
     மின்படியில் அமைதியாக இறங்கும் யாரோ ஒரு சிறுமி

கையில் இரண்டு பெரிய ஷாப்பிங் பைகளுடன்
   மெட்ரோவில் சிரமத்துடன் நிற்கும் யாரோ ஒரு மூதாட்டி

தள்ளாத வயதிலும் தன் பேரனுக்கு
    மகிழ்வுடன் ஐஸ்கேண்டி வாங்கிக் கொடுக்கும் யாரோ ஒரு பெரியவர்

விமான நிலையத்தில் வந்திறங்கிய உறவைக்
   கட்டியணைத்து மகிழும் யாரோ சொந்தங்கள்

கூட்டமாக பூங்காவில் அமர்ந்து
   அரட்டையடிக்கும் யாரோ நண்பர்கள்

மாறாக, சேர்ந்தார்போல் இரண்டு நாட்கள் கூட
   ஒரே உணவகத்தில் சாப்பிடமுடியாத ஏதோ உணவு

எல்லாம் தொடர்பற்ற நிகழ்வுகள் - ஆனாலும்
ஏனோ எனக்கு ஊர் ஞாபகம்

நிதர்சனம்

நிதர்சனம்

வெற்றுடலத்தில் ஒண்டிக்கொண்டிருக்கும் தமிழனுக்கு
அந்த ஒற்றைவரிச்சொல் உயிரளிக்கிறது
"தலைவன் இருக்கிறான்"

ஞாயிறு, 27 பிப்ரவரி, 2011

ஏமாற்றம்

குடும்பத்துடன் செல்ல நினைத்திருந்த சுற்றுலா
நண்பர்களுடன் திட்டமிட்டிருந்த ட்ரெக்கிங் - வீணாக்கியது
பணியிட மாற்றல் உத்தரவு

வெள்ளி, 25 பிப்ரவரி, 2011

கிறுக்கன்

கல்லிலும், கள்ளியிலும்
கோயிலிலும், கோபுரத்திலும கிறுக்கினேன்
காதலியின் பெயர்

புதன், 23 பிப்ரவரி, 2011

சுவடு

சுவடு

நீ நடந்த பாதையெங்கும் திரும்பிப் பார்க்கிறேன்
பள்ளங்களும் பாதாளங்களும்
குண்டுப் பெண்

ஞாயிறு, 20 பிப்ரவரி, 2011

திரில்லர்

திடுக்கிட வைக்கும் திருப்பங்கள்
மயிர்கூச்செரியும் காட்சிகள்
மலைப்பாதை

வெள்ளி, 18 பிப்ரவரி, 2011

ஊழல்நாட்டின் ஊற்றுக்கண்

தாயை விட மேலான விடுதலைக்கு
உயிரைக்கூடத் தர மனமில்லா சுயநலம்
அஹிம்சை

வியாழன், 17 பிப்ரவரி, 2011

தேடல்

தேடிச்சோர்ந்த கண்கள் குளுமையானது
வாடி வதங்கிய கால்கள் தெம்பானது
காந்தி ஜெயந்தியன்று கிடைத்த பீர்

டிஸ்கி: காந்தி ஜெயந்தியன்று டாஸ்மாக் கடை மூடியிருப்பதால் எவ்ளோ கஷ்டப்பட்டு பீர் வாங்க வேண்டியிருக்கு, தெரியுமா?

வறண்ட நாள்

ஆறாக ஓடும் தண்ணி எங்கும்
வறண்டது ஓர் நாளில் இங்கு
டிரை டே

டிஸ்கி: டிரை டே (Dry Day) என்பது காந்தி ஜெயந்தி, தேர்தல் நாள் ஆகிய நாட்களில் விடப்படும் மதுக்கடைகளுக்கான (டாஸ்மாக், சாராயக்கடை போன்றவை) விடுமுறை நாளாகும். ~~உலகத் தொலைக்காட்சி~~ உலக வலைத்தல வரலாற்றில் முதன்முறையாக டிரை டே-க்கு கவிதை(?) எழுதிய பெருமை என்னையே சாரும் என்பதை இதன் மூலம் பதிவுலகத்திற்கு அறியத் தருகிறேன். மேலும் விவரங்களுக்கு இங்கே சுட்டவும் http://en.wikipedia.org/wiki/Prohibition